Mahishasura Mardini Stotram (श्री महिषासुरमर्दिनी स्तोत्रम्)

Mahishasura Mardini Stotram In Sanskrit: महिषासुरमर्दिनि स्तोत्रम् (अयि गिरिनन्दिनि)

श्लोक १

अयि गिरिनन्दिनि नन्दितमेदिनि विश्वविनोदिनि नन्दिनुते
गिरिवरविन्ध्यशिरोऽधिनिवासिनि विष्णुविलासिनि जिष्णुनुते।
भगवति हे शितिकण्ठकुटुम्बिनि भूरिकुटुम्बिनि भूरिकृते
जय जय हे महिषासुरमर्दिनि रम्यकपर्दिनि शैलसुते॥ १॥

श्लोक २

सुरवरवर्षिणि दुर्धरधर्षिणि दुर्मुखमर्षिणि हर्षरते
त्रिभुवनपोषिणि शङ्करतोषिणि किल्बिषमोषिणि घोषरते।
दनुजनिरोषिणि दितिसुतरोषिणि दुर्मदशोषिणि सिन्धुसुते
जय जय हे महिषासुरमर्दिनि रम्यकपर्दिनि शैलसुते॥ २॥

श्लोक ३

अयि जगदम्ब मदम्ब कदम्ब वनप्रियवासिनि हासरते
शिखरि शिरोमणि तुङ्गहिमालय शृङ्गनिजालय मध्यगते।
मधुमधुरे मधुकैटभगञ्जिनि कैटभभञ्जिनि रासरते
जय जय हे महिषासुरमर्दिनि रम्यकपर्दिनि शैलसुते॥ ३॥

श्लोक ४

अयि शतखण्ड विखण्डितरुण्ड वितुण्डितशुण्ड गजाधिपते
रिपुगजगण्ड विदारणचण्ड पराक्रमशुण्ड मृगाधिपते।
निजभुजदण्ड निपातितखण्ड विपातितमुण्ड भटाधिपते
जय जय हे महिषासुरमर्दिनि रम्यकपर्दिनि शैलसुते॥ ४॥

श्लोक ५

अयि रणदुर्मद शत्रुवधोदित दुर्धरनिर्जर शक्तिभृते
चतुरविचार धुरीणमहाशिव दूतकृत प्रमथाधिपते।
दुरितदुरीह दुराशयदुर्मति दानवदूत कृतान्तमते
जय जय हे महिषासुरमर्दिनि रम्यकपर्दिनि शैलसुते॥ ५॥

श्लोक ६

अयि शरणागत वैरिवधुवर वीरवराभय दायकरे
त्रिभुवनमस्तक शूलविरोधि शिरोऽधिकृतामल शूलकरे।
दुमिदुमितामर धुन्दुभिनादमहोमुखरीकृत दिङ्मकरे
जय जय हे महिषासुरमर्दिनि रम्यकपर्दिनि शैलसुते॥ ६॥

श्लोक ७

अयि निजहुङ्कृति मात्रनिराकृत धूम्रविलोचन धूम्रशते
समरविशोषित शोणितबीज समुद्भवशोणित बीजलते।
शिवशिवशुम्भ निशुम्भमहाहव तर्पितभूत पिशाचरते
जय जय हे महिषासुरमर्दिनि रम्यकपर्दिनि शैलसुते॥ ७॥

श्लोक ८

धनुरनुषङ्ग रणक्षणसङ्ग परिस्फुरदङ्ग नटत्कटके
कनकपिशङ्ग पृषत्कनिषङ्ग रसद्भटशृङ्ग हताबटुके।
कृतचतुरङ्ग बलक्षितिरङ्ग घटद्बहुरङ्ग रटद्बटुके
जय जय हे महिषासुरमर्दिनि रम्यकपर्दिनि शैलसुते॥ ८॥

श्लोक ९

सुरललना ततथेयि तथेयि कृताभिनयोदर नृत्यरते
कृत कुकुथः कुकुथो गडदादिकताल कुतूहल गानरते।
धुधुकुट धुक्कुट धिंधिमित ध्वनि धीर मृदङ्ग निनादरते
जय जय हे महिषासुरमर्दिनि रम्यकपर्दिनि शैलसुते॥ ९॥

श्लोक १०

जय जय जप्य जयेजयशब्द परस्तुति तत्परविश्वनुते
झणझणझिञ्झिमि झिङ्कृत नूपुरशिञ्जितमोहित भूतपते।
नटित नटार्ध नटी नटनायक नाटितनाट्य सुगानरते
जय जय हे महिषासुरमर्दिनि रम्यकपर्दिनि शैलसुते॥ १०॥

श्लोक ११

अयि सुमनःसुमनःसुमनः सुमनःसुमनोहरकान्तियुते
श्रितरजनी रजनीरजनी रजनीरजनी करवक्त्रवृते।
सुनयनविभ्रमर भ्रमरभ्रमर भ्रमरभ्रमराधिपते
जय जय हे महिषासुरमर्दिनि रम्यकपर्दिनि शैलसुते॥ ११॥

श्लोक १२

सहितमहाहव मल्लमतल्लिक मल्लितरल्लक मल्लरते
विरचितवल्लिक पल्लिकमल्लिक झिल्लिकभिल्लिक वर्गवृते।
शितकृतफुल्ल समुल्लसितारुण तल्लजपल्लव सल्ललिते
जय जय हे महिषासुरमर्दिनि रम्यकपर्दिनि शैलसुते॥ १२॥

श्लोक १३

अविरलगण्ड गलन्मदमेदुर मत्तमतङ्ग जराजपते
त्रिभुवनभूषण भूतकलानिधि रूपपयोनिधि राजसुते।
अयि सुदतीजन लालसमानस मोहन मन्मथराजसुते
जय जय हे महिषासुरमर्दिनि रम्यकपर्दिनि शैलसुते॥ १३॥

श्लोक १४

कमलदलामल कोमलकान्ति कलाकलितामल भाललते
सकलविलास कलानिलयक्रम केलिचलत्कल हंसकुले।
अलिकुलसङ्कुल कुवलयमण्डल मौलिमिलद्बकुलालिकुले
जय जय हे महिषासुरमर्दिनि रम्यकपर्दिनि शैलसुते॥ १४॥

श्लोक १५

करमुरलीरव वीजितकूजित लज्जितकोकिल मञ्जुमते
मिलितपुलिन्द मनोहरगुञ्जित रञ्जितशैल निकुञ्जगते।
निजगणभूत महाशबरीगण सद्गुणसम्भृत केलितले
जय जय हे महिषासुरमर्दिनि रम्यकपर्दिनि शैलसुते॥ १५॥

श्लोक १६

कटितटपीत दुकूलविचित्र मयूखतिरस्कृत चन्द्ररुचे
प्रणतसुरासुर मौलिमणिस्फुर दंशुलसन्नख चन्द्ररुचे।
जितकनकाचल मौलिमदोर्जित निर्भरकुञ्जर कुम्भकुचे
जय जय हे महिषासुरमर्दिनि रम्यकपर्दिनि शैलसुते॥ १६॥

श्लोक १७

विजितसहस्रकरैक सहस्रकरैक सहस्रकरैकनुते
कृतसुरतारक सङ्गरतारक सङ्गरतारक सूनुसुते।
सुरथसमाधि समानसमाधि समाधिसमाधि सुजातरते
जय जय हे महिषासुरमर्दिनि रम्यकपर्दिनि शैलसुते॥ १७॥

श्लोक १८

पदकमलं करुणानिलये वरिवस्यति योऽनुदिनं सुशिवे
अयि कमले कमलानिलये कमलानिलयः स कथं न भवेत्।
तव पदमेव परम्पदमित्यनुशीलयतो मम किं न शिवे
जय जय हे महिषासुरमर्दिनि रम्यकपर्दिनि शैलसुते॥ १८॥

श्लोक १९

कनकलसत्कलसिन्धुजलैरनुषिञ्चति तेगुणरङ्गभुवम्
भजति स किं न शचीकुचकुम्भतटीपरिरम्भसुखानुभवम्।
तव चरणं शरणं करवाणि नतामरवाणि निवासि शिवम्
जय जय हे महिषासुरमर्दिनि रम्यकपर्दिनि शैलसुते॥ १९॥

श्लोक २०

तव विमलेन्दुकुलं वदनेन्दुमलं सकलं ननु कूलयते
किमु पुरुहूतपुरीन्दुमुखी सुमुखीभिरसौ विमुखीक्रियते।
मम तु मतं शिवनामधने भवती कृपया किमुत क्रियते
जय जय हे महिषासुरमर्दिनि रम्यकपर्दिनि शैलसुते॥ २०॥

श्लोक २१

अयि मयि दीन दयालुतया कृपयैव त्वया भवितव्यमुमे
अयि जगतो जननी कृपयासि यथासि तथानुमितासिरते।
यदुचितमत्र भवत्युररीकुरुतादुरुतापमपाकुरुते
जय जय हे महिषासुरमर्दिनि रम्यकपर्दिनि शैलसुते॥ २१॥

Mahishasura Mardini Stotram – Aigiri Nandini Lyrics

Verse 1

Ayi Giri Nandini, Nandita Medini, Vishva Vinodini Nandanute,
Girivara Vindhya Shirodhini Vasini, Vishnu Vilasini Jishnu Nute।
Bhagavati He Shiti Kantha Kutumbini, Bhuri Kutumbini Bhuri Krite,
Jaya Jaya He Mahishasura Mardini, Ramya Kapardini, Shaila Sute॥ 1॥

Verse 2

Suravara Varshini, Durdhara Dharshini, Durmukhamarshini, Harsharate,
Tribhuvana Poshini, Shankara Toshini, Kilbisha Moshini, Ghosharate।
Danuja Niroshini, Diti Suta Roshini, Durmada Shoshini, Sindhu Sute,
Jaya Jaya He Mahishasura Mardini, Ramya Kapardini, Shaila Sute॥ 2॥

Verse 3

Ayi Jagadamba Madamba Kadamba, Vana Priya Vasini, Hasarate,
Shikhari Shiromani Tunga Himalaya, Shringa Nijalaya Madhyagate।
Madhu Madhure, Madhukaitabha Bhanjini, Kaitabha Bhanjini, Rasarate,
Jaya Jaya He Mahishasura Mardini, Ramya Kapardini, Shaila Sute॥ 3॥

Verse 4

Ayi Shata Khanda Vikhandita Runda, Vitundita Shunda Gajadhipate,
Ripu Gaja Ganda Vidarana Chanda, Parakrama Shunda Mrigadhipate।
Nija Bhuja Danda Nipatitakhanda, Vipatit Munda Bhatadhipate,
Jaya Jaya He Mahishasura Mardini, Ramya Kapardini, Shaila Sute॥ 4॥

Verse 5

Ayi Rana Durmada Shatru Vadhodita, Durdhara Nirjara Shakti Bhrite,
Chatura Vichara Dhurina Mahashiva, Duta Krita Pramathadhipate।
Durita Durihadurashaya Durmati, Danava Duta Kritantamate,
Jaya Jaya He Mahishasura Mardini, Ramya Kapardini, Shaila Sute॥ 5॥

Verse 6

Ayi Sharanagata Vairi Vadhuvara, Vira Varabhaya Dayakare,
Tribhuvana Mastaka Shula Virodhi, Shirodhikrita Mala Shulakare।
Dimidimi Taamara Dundubhinada, Mahomukhari Krita Tigmakare,
Jaya Jaya He Mahishasura Mardini, Ramya Kapardini, Shaila Sute॥ 6॥

Verse 7

Ayi Nija Hunkriti Matra Nirakrita, Dhumra Vilochana Dhumra Shate,
Samara Vishoshita Shonita Bija, Samudbhava Shonita Bijalate।
Shiva Shiva Shumbha Nishumbha Mahahava, Tarpita Bhuta Pishacharate,
Jaya Jaya He Mahishasura Mardini, Ramya Kapardini, Shaila Sute॥ 7॥

Verse 8

Dhanur Anusanga Rana Kshana Sanga, Parisphuradanga Natat Katake,
Kanaka Pishanga Prishatka Nishanga, Rasad Bhata Shringa Hatavatuke।
Krita Chaturanga Bala Kshitirangakadat, Bahuranga Ratadhipatuke,
Jaya Jaya He Mahishasura Mardini, Ramya Kapardini, Shaila Sute॥ 8॥

Verse 9

Sura Lalana Tatatheyi Tatheyi Kritabhinayodara Nritya Rate,
Krita Kukutha Kukutho Gadadadika Tala Kutuhala Gana Rate।
Dhudhukuta Dhukkuta Dhindhimita Dhvani, Dhira Mridanga Ninada Rate,
Jaya Jaya He Mahishasura Mardini, Ramya Kapardini, Shaila Sute॥ 9॥

Verse 10

Jaya Jaya Japya Jaye Jaya Shabda, Parastuti Tatpara Vishvanute,
Bhana Bhanabhinjimi Bhingrita Nupura, Sinjita Mohita Bhutapate।
Natinata Nardita Nata Natanayaka, Natita Natya Sugana Rate,
Jaya Jaya He Mahishasura Mardini, Ramya Kapardini, Shaila Sute॥ 10॥

Verse 11

Ayi Sumanah Sumanah Sumanohara, Kantiyute,
Shritha Rajani Rajani Rajani, Rajanikara Vaktra Vrite।
Sunayana Vibhramara Bhramara, Bhramaradhipate,
Jaya Jaya He Mahishasura Mardini, Ramya Kapardini, Shaila Sute॥ 11॥

Verse 12

Sahita Mahahava Mallama Hallika, Mallita Rallaka Mallarate,
Virachita Vallika Pallika Mallika, Bhillika Varga Vrite।
Sita Krita Phulla Samullasitaruna, Tallaja Pallava Sallalite,
Jaya Jaya He Mahishasura Mardini, Ramya Kapardini, Shaila Sute॥ 12॥

Verse 13

Avirala Ganda Galanmada Medura, Matta Matanga Rajapate,
Tribhuvana Bhushana Bhuta Kalanidhi, Rupa Payonidhi Rajanute।
Ayi Sudatijana Lalasa Manasa, Mohana Manmatha Rajanute,
Jaya Jaya He Mahishasura Mardini, Ramya Kapardini, Shaila Sute॥ 13॥

Verse 14

Kamala Dal amala Komala Kanti, Kalakalitamala Bala Late,
Sakala Vilasa Kala Nilayakrama, Keli Chalatkala Hamsa Kule।
Alikula Sankula Kuvalaya Mandala, Mauli Milad Bakulalikule,
Jaya Jaya He Mahishasura Mardini, Ramya Kapardini, Shaila Sute॥ 14॥

Verse 15

Kara Murali Rava Veejita Koojita, Lajjita Kokila Manjumate,
Milita Pulinda Manohara Gunjita, Ranjita Shaila Nikunjagate।
Nija Guna Bhuta Mahashabari Gana, Sadguna Sambhrita Kelitale,
Jaya Jaya He Mahishasura Mardini, Ramya Kapardini, Shaila Sute॥ 15॥

Verse 16

Kati Tata Pita Dukula Vichitra, Mayukha Tiraskrita Chandra Ruchе,
Pranata Surasura Mauli Mani Sphurad, Amshula Sannakha Chandra Ruche।
Jita Kanakachala Maulipadodita, Nirbhara Kunjara Kumbhakuche,
Jaya Jaya He Mahishasura Mardini, Ramya Kapardini, Shaila Sute॥ 16॥

Verse 17

Vijita Sahasra Karaika Sahasra Karaika, Sahasra Karaika Nute,
Krita Sura Taraka Sangara Taraka, Sangara Taraka Sunu Sute।
Suratha Samadhi Samana Samadhi, Samadhi Samadhi Sujata Rate,
Jaya Jaya He Mahishasura Mardini, Ramya Kapardini, Shaila Sute॥ 17॥

Verse 18

Pada Kamalam Karuna Nilaye, Varivasyati Yo Anudinam Sa Shive,
Ayi Kamale Kamala Nilaye, Kamala Nilayah Sa Katham Na Bhavet।
Tava Padam Eva Param Iti, Anushilayato Mama Kim Na Shive,
Jaya Jaya He Mahishasura Mardini, Ramya Kapardini, Shaila Sute॥ 18॥

Verse 19

Kanakala Satkala Sindhu Jalairanu, Sinchati Te Guna Ranga Bhuvam,
Bhajati Sa Kim Na Shachi Kucha Kumbha, Tati Parirambha Sukhanubhavam।
Tava Charanam Sharanam Karavani, Nata Amaravani Nivasi Shivam,
Jaya Jaya He Mahishasura Mardini, Ramya Kapardini, Shaila Sute॥ 19॥

Verse 20

Tava Vimalendu Kulam Vadana Indumalam, Sakalam Anukulaya Te,
Kimu Puruhoota Pureendu Mukhi, Sumukhibhir Asau Vimukhi Kriyate।
Mama Tu Matam Shivanama Dhane, Bhavati Kripaya Kim Na Kriyate,
Jaya Jaya He Mahishasura Mardini, Ramya Kapardini, Shaila Sute॥ 20॥

Verse 21

Ayi Mayi Dina Dayalu Taya Kripayaiva, Tvaya Bhavitavyam Ume,
Ayi Jagato Janani Kripayasi Yathasi, Tathanu Mitasirate Na।
Yaduchitam Atra Bhavatyurari Kurutaduruta, Apam Akarute,
Jaya Jaya He Mahishasura Mardini, Ramya Kapardini, Shaila Sute॥ 21॥